Питрәчтә Әфганстаннан гаскәрләрне чыгару көненә багышланган концерт булды
Истәлекле дата 2011 елда рәсми статус алган
Питрәч авылының “Кинокадр” кинотеатрында “Әфганстан. Оныту мөмкин түгел” дигән концерт булды. Чара 15 февраль – Ватаннан читтә хезмәт бурычын үтәгән россиялеләрне искә алу көненә багышланды.
Илнең ун елга якын кораллы конфликтта катнашуын тәмамлап, нәкъ менә шушы көнне 1989 елда Совет гаскәрләренең соңгы колоннасы Әфганстан территориясеннән чыгарыла. Истәлекле датаның рәсми статусы 2011 елдан беркетелгән.
Концертка район халкы, җәмәгать оешмалары вәкилләре, сугышчан хәрәкәтләр ветераннары һәм яшьләр җыелды. Программада вокаль номерлар, театр куелышлары һәм сугышчы-интернационалистларга багышланган шигырьләр бар иде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
