Питрәчтән хәрби операциядә катнашучы Александр: «Иң зур теләгем – гаиләм янында булу»

Фото: © Люция Сираҗиева / «Питрәч-информ»

Питрәч авылыннан махсус хәрби операция хәрби хезмәткәре Александрның декабрь уртасында иңбашы яралана, шуңа күрә аны сәламәтлеген торгызу өчен ялга җибәргәннәр. Һәр начарның бер яхшы ягы була. Александр гаилә бәйрәмен өендә каршылый. Яңа елга бер атна кала ул хатыны һәм дүрт яшьлек кызы янына кайта. Әтиләр бу вакытта Кыш бабай ролен дә үти бит әле. Әтисе кызына чана алып кайткан.

Ул мөмкинлек булганда баласы белән элемтәгә чыгарга тырыша, шуңа күрә кыз әтисен онытмый, аны сагына һәм аның белән мөмкин кадәр күбрәк вакыт үткәрергә тели. Кайтканнан соң икенче көнне иртән үк Александр хәрби комиссариатка бара, әлбәттә, кызы да чанага утырып, аның белән бара.

– Мин кич белән сәгать уннан соң гына кайттым. Бу хакта хатыным гына белә иде, әти-әнигә сюрприз ясадык. Яңа елга якыннарым янына кайтырмын, дип уйламаган да идем. Мин бик шат. Моның нинди шартларда булуы да мөһим түгел, – ди Александр.

Ике ел рәттән Яңа елда хәрби хезмәткәр туган иленнән еракта алгы сызыкта була. Анда сугышчы мобилизация вакытыннан бирле, инде өченче ел. Моңа кадәр махсус хәрби операциядә контракт буенча хезмәт иткән, запаска киткән, ә бер айдан соң өлешчә мобилизациягә эләккән. Ул атуга ярдәм итүче взвод командиры. “Хәрби батырлык өчен” медале бар. Яңа ел төнендә сугышчан иптәшләренең исән-сау булуларын теләгән.