Алга

Питрәч районы

16+
Рус Тат
Җәмгыять

Питрәч авылында яшәүче Сабирова Гөлбагдә Ахуновна туксан яшьлек юбилеен билгеләп үтте

Гөлбагдәгә бик кыен вакытта туарга туры килә. Питрәчкә ул Әтнә районы Мәңгәр авылыннан күчеп килә.

Балалар бик яшьли ятим калалар. Аңа унике яшь булганда, ике энесе аның җаваплылыгында кала. Һәм бу кырыгынчы - куркыныч ачлык елларына туры килә. Гөлбагдә мәктәпне ташлый, колхозга эшкә урнаша, анда ул бик күп төрле эштә эшли - хисапчы да була, кибеттә дә эшли, соңрак бухгалтерия эшен дә алып бара башлый. Кечкенәдән үк иртәдән алып кичкә кадәр эшләргә туры килә аңа. Шул рәвешле генә алар барлык авырлыкларны җиңәләр. Шулай, Гөлбагдә колхозда пенсиягә чыкканчы хезмәт куя.
Соңрак ул фронтчы Зарифка кияүгә чыга, алар бергә ике кыз үстерәләр. Бүгенге көндә ул кызларының берсе Рәзинә Гыйззәтуллина белән бергә Питрәчтә яши. Аякларына зыян килү сәбәпле, эш башкара алмаса да, ул барыбер кызыксынучан һәм тормыш сөючән булып кала.
Бәйрәм көнне юбиляр янәшәсендә туганнары, танышлары, хезмәттәшләре булды. Шулай ук район башкарма комитеты җитәкчесе Зимфира Мөхәммәтгәрәева, халыкны социаль яклау бүлеге башлыгы Рәшидә Сәхәбиева, Питрәч авыл җирлеге башлыгы Али Рафиков та килде. Юбилярга Россия Президенты исеменнән котлау хаты, район башлыгы Илһам Кашаповтан бүләк тапшырдылар. Гөлбагдә Ахуновна кунакларга нык сәламәтлек һәм бәхет- шатлык теләде.
- Барысы өчен дә бик зур рәхмәт, минем турында кайгырткан кызларыма да мин бик рәхмәтле, минем бар да яхшы, - ди юбиляр елмаеп.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса