Питрәч авылының балалар шәһәрчегендә ремонт 85 процентка төгәлләнгән

Питрәчтә балалар шәһәрчеген реконструкцияләү дәвам итә.

Җир эшләре төгәлләгән: ял итү зонасына газон, уен зонасына – ком, төп юлга - брусчатка җәелгән. Фонтан да ясалган.

Спорт мәйданчыгында җиһазлар урнаштырылган инде, хәзер төзүчеләр сәхнә һәм амфитеатр кую белән мәшгуль.

Планлаштырылган эшләр 85 ка төгәлләнгән, - дип билгеләп үтте прораб Руслан Садретдинов.

Җирле халык үзгәрешләргә бик шат.

Барысы да яхшы якка үзгәрә. Монда зур төзелеш бара. Түземсезлек белән ачылганын көтәбез, - ди үтеп баручыларның берсе Николай Шавкунов.

Шулай итеп, беренче чират эшләре тиздән тәмамланачак. Алга таба киләсе елда күрше спорт мәйданчыгын яңарту планлаштырыла.