Питрәч муниципаль районы башлыгы – район Советы рәисе Илһам Кашаповның, Укытучылар көне белән котлавы

Сезне чын күңелемнән һөнәри бәйрәмегез белән котлыйм! Бу көнне без гомерләрен иң кирәкле һәм мөһим һөнәрләрнең берсе - укытучылык хезмәтенә багышлаган кешеләрне хөрмәтлибез.
Укытучыларга карата таләпләр даими арта. Һөнәри белем яңа чаралар һәм укыту методикалары белән шөгыльләнә белүдән аерылгысыз була башлады. Безнең район укытучылары заман белән бергә атлый. Инновацион белем бирү технологияләрен кулланып, мәгариф системасының сыйфатын арттыру өстендә эшлиләр, олимпиадаларга һәм конкурсларга әзерләнәләр, бу һөнәрнең абруен саклыйлар.
Сезнең эшегезгә тугры булуыгыз ярдәмендә, бүгенге көндә актив, иҗади, мөстәкыйль рәвештә карарлар кабул итә белүче яшь буын үсеп килә. Укучыларның уңышлары – сезнең район үсешенә керткән зур өлешегез.
Сезгә алга таба да һөнәри казанышлар, иминлек, нык сәламәтлек, тынычлык һәм татулык, сезнең өметләрегезне аклый алырлык максатчан укучылар телим!