Питрәч район дәүләт ветеринария берләшмәсе" ДБУ башлыгы Ветеринария хезмәткәре көне белән котлавы

Ветеринария хезмәткәре ул - уникаль кеше. Ветеринар бик күп белгечлеккә, медицина белеменә һәм тормыш тәҗрибәсенә ия. Ул үз-үзен аямаучан һәм һәрвакыт ярдәмгә килергә әзер!
Ветеринария хезмәткәрләре үзләренең көндәлек тырыш хезмәтләре белән терлекләр һәм кеше сәламәтлеге сагында тора, терлекчелек продукциясе сыйфатын контрольдә тота, куркыныч авырулардан саклый.
Кирәкле эшегез өчен сезгә зур рәхмәтләремне җиткерәм. Сайлаган һөнәрегезгә тугры булуыгыз һәм эшкә җаваплы каравыгыз зур ихтирам уята. Бу игелекле һәм рәхмәтле һөнәр сезгә нык сәламәтлек, тормышыгызда шатлыклы мизгелләр һәм үзара аңлашу бүләк итсен.
Сезгә чын күңелдән тотрыклы, уңышлы һәм нәтиҗәле эш, гаилә бәхете һәм иминлек, бетмәс-төкәнмәс оптимизм һәм иртәгәсе көнгә ышаныч телим!

"Питрәч район дәүләт ветеринария берләшмәсе" ДБУ башлыгы – Раиль Газизов