Питрәч районы авыл хуҗалыгы һәм азык-төлек идарәсе башлыгы Авыл хуҗалыгы һәм эшкәртү сәнәгате хезмәткәрләре көне белән котлады

Сезне чын күңелдән һөнәри бәйрәмегез - Авыл хуҗалыгы һәм эшкәртү сәнәгате хезмәткәрләре көне белән котлыйм!

Сезнең хезмәт сөючәнлегегез, тәҗрибә һәм белемегез – агросәнәгать комплексының тотрыклы үсеше нигезе. Бу авыл кешеләренең җаваплы эшенә, агрономнарның тәҗрибәсенә, товар җитештерүчеләрнең уйланылган инвестицияләренә бәйле. Дәүләт ярдәме авыл хуҗалыгының барлык тармакларын да алга таба үстерергә мөмкинлек бирә. Хакимият, бизнес, халыкның уртак тырышлыгы авыл территорияләрен үстерүгә, кешеләр иминлегенә юнәлдерелгән. Һәм мин төп бурычыбыз - Питрәч районы агросәнәгать комплексының зур потенциалын ачуны уңышлы хәл итәчәгебезгә ышанам.

Хөрмәтле авыл хуҗалыгы хезмәтчәннәре, кадерле хезмәттәшләр, фидакарльләрчә хезмәт итүегез һәм сайлаган эшегезгә тугры калуыгыз өчен рәхмәт белдерәм. Сезгә һәм якыннарыгызга иминлек, тынычлык, яңа хезмәт уңышлары телим!

Илнар Хафизов,
 Питрәч районы авыл хуҗалыгы һәм азык-төлек идарәсе башлыгы