Питрәч районы авылларында ачык һавада фильмнар күрсәтәләр

Питрәчнең «Кинокадр» кинотеатры хезмәткәрләре кичләрен районның ерак авылларына барып, җирле халыкка урамда фильмнар күрсәтәләр.

Алар Кибәк, Салкын Чишмә, Кощак һәм башка торак пунктларда булдылар. Сентябрь башында Надеждино, Күн, Пановка, октябрь аенда Өлкәннәр декадасында Кәвәл һәм Янсуар авылларына барырга планлаштыралар.
 

24 августта, чәршәмбе көнне, «Царево» торак комплексында урам киносы фестивале узачак.

Ә 27 августта, шимбә көнне, Питрәч авылының балалар шәһәрчегендә «Кино төне» оештырылачак.

Башлана: 20.00 сәгатьтә.