Җәмгыять
Питрәч районы башлыгы «Бердәм Россия» праймеризында дистанцион тавыш бирде
Бу мөмкинлектән барлык сайлаучылар да 30 май киченә кадәр файдалана ала.
Татарстанның Питрәч районы башлыгы Илһам Кашапов «Бердәм Россия» праймеризында дистанцион рәвештә тавыш бирде. Бу мөмкинлектән барлык сайлаучылар да 30 май киченә кадәр файдалана ала. Бу хакта «Татар-информ»га муниципалитетның матбугат хезмәтендә хәбәр иттеләр.
Бүген Питрәч районында, бөтен Татарстандагы кебек үк, офлайн-тавыш бирү өчен хисап участоклары ачылды. Питрәч, Кошчак, Шигали, Ленино-Кокушкино, Чита, Татар Тау иле, Шәле авылларында җиде участок 20.00 сәгатькә кадәр эшләячәк.
Питрәчлеләр сайлауда активлык күрсәтә, тавыш бирү тыныч атмосферада уза.
Следите за самым важным и интересным в Telegram-каналеТатмедиа
