Питрәч районында 100дән артык бизнес-проект гамәлгә ашырыла

Питрәч районында администрация җитәкчелеге эшмәкәрләргә перспективалы бизнес-проектларны гамәлгә ашыруда ярдәм итә. Бу хакта муниципалитет Советы утырышында район башлыгы Илһам Кашапов сөйләде. 

Ул атнага бер тапкыр эшмәкәрләр белән очрашулар үткәрә һәм аларның проектлары турында фикер алыша. Илһам Миңнеханович бу эшнең нәтиҗәләре белән уртаклашты.

Кощак авыл җирлегендә экокурорт комплексы төзелде, Богородскийда яшелчә һәм чәчәкләр үстерү өчен теплица хуҗалыгы торгызылды һәм эшләтеп җибәрелде. Кибәк Иле авылында җиләк-җимеш агачлары, яшелчә үстерү участогында авыл хуҗалыгы техникасы склады, фермер йорты, насос станциясе бинасы төзелде. «Царево» торак комплексында ритейл-парк форматындагы сәүдә комплексы ачылды. 

Бүген эштә тагын 100дән артык проект бар", - дип билгеләде администрация җитәкчесе.

Кощак авылында төзелеш материаллары һәм канцелярия пычаклары җитештерү буенча проектлар, Кибәк Иле авылында бөртекле культураларны эшкәртү проекты гамәлгә ашырыла. Колайда сөт һәм сөт продуктлары җитештерү буенча комплексны эшләтеп җибәрү буенча эш бара: заводны проектлау тәмамланган,  төзелеш май аенда ук башланырга мөмкин. Быел шулай ук районда логистик склад комплексы һәм йөк автомобильләренә хезмәт күрсәтү өчен мәйданчык төзү планлаштырыла.