Питрәч районында кар чистарту эше ничек башкарыла?

Эшкә барлык техника да җәлеп  ителде.

- Техника көндез дә, төнлә дә эшли. Беренче чиратта төп юллар һәм социаль әһәмияттәге объектларга керү юллары чистартыла, - дип хәбәр итте район башкарма комитеты җитәкчесе Альберт Хәбибуллин.
Якшәмбе көнне Питрәч авыл җирлегендә берничә машина кар чистартты.
- Бу Камаз, грейдер, экскаватор-төягеч һәм 3 трактор, - дип санап китте «ЦКС» МУП башлыгы Марсель Вафин. - Алар Питрәч, Олан Иле, Шихазда, Осиново бистәләрендә булдылар. Бер трактор Иске Кощак авылында кар чистартты, - дип билгеләп үтте ул. Предприятие Питрәч һәм Кощак авыл җирлекләре өчен җаваплы. Эшләр алдагы көннәрдә дә дәвам итте.
Район үзәгендә тротуарларны кардан чистарту техникасы сафтан чыкты, әмма аны кыска вакыт эчендә рәтләделәр һәм  ул кабат  тортуарларны чистартуга кереште. Шулай ук якын көннәрдә кар түгә башлаячаклар.
- Питрәчтә 137 урам һәм 82 күпфатирлы йорт. Ишегалды территорияләре, тротуарларның һәм күп фатирлы йортларның парковкаларының торышы өчен идарәче компанияләр җавап бирә, ә керү юллары өчен - җирле үзидарә органнары. Урам-юл челтәрен, тротуар зонасын һәм социаль объектларга - мәктәпләргә, хастаханәгә, эчке эшләр бүлегенә керү юлларын чистартуга аерым игътибар бирәбез.
Бездә 7 берәмлек махсус техника һәм 12 юл эшчесе эшли. Питрәчтәге хәлгә даими мониторинг алып барыла. Кар чистартуга бәйле һәр шикаятькә җавап бирәбез, - дип сөйләде Питрәч авыл җирлеге башкарма комитеты җитәкчесе Павел Сиваев.