Питрәч районының татар авылларында язны каршыладылар

Нәүрүз бәйрәме, ягъни көн белән төн тигезләшкән көн. Әле тагын ул, язны каршылау бәйрәме дип тә йөртелә халыкта.
Татар халкы элек-электән бу бәйрәмне зурлап билгеләп үткән, авылларда рәхәтләнеп күңел ачканнар бу көнне.
Татар Казысы авылында да Нәүрүз бәйрәмен борынгыдан калган гадәт буенча җырлап-биеп үткәрделәр. Авылның олысы-кечесе төрле кызыклы уеннарда катнаштылар. Алар күнел ачкан арада самавырда чәй кайный торды. Аннан соң барысы да бергәләп кайнар чәй, тәмле коймак, тәм-том белән сыйландылар.
Татарказылылар халкыбызның гореф-гадәтләрен югалтуга, милли бәйрәмнәребезне онытырга юл куймый.