Питрәчлеләргә салкында машина кабызу серләрен ачабыз
Автомобиль белгече Егор Васильев чатнаган суыкларда машина кабызу кагыйдәләре белән уртаклашты.
– машинаны кабызыр алдыннан, андагы энергия кулланучы җайланмаларның сүндерелүенә инанырга кирәк;
– аккумуляторны кварталга бер тапкыр, бигрәк тә кышкы сезон алдыннан тикшертергә, зарядкага куярга һәм клемм тирәсендәге өске өлешне сөртергә кирәке;
– көчле суык көтелә икән, бакны сыйфатлы ягулык белән тулысынча диярлек тутырып куярга кирәк. Бу киңәш бигрәк тә дизель ягулыгын кулланучыларга кагыла;
– автомобиль беренче тапкырдан кабынмаган очракта, берәр минут чамасы көтәргә һәм яңадан кабызып карарга киңәш ителә;
– двигательнең поддонын лампа белән җылытырга ярамый. Машина кабынмаган очракта да, моторны стартер белән әйләндерергә дә кирәкми. Бу стартерга гына зыян китереп калмыйча, аккумуляторны да утыртырга мөмкин.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
