Питрәчтә күп фатирлы йорт верандасында янгын булды

Питрәч авылында иртәнге тугызда янгын чыкты. Олимпийская урамындагы ике катлы йорт фатирында 10 квадрат метр мәйданда агач веранда янган. Залда һәм коридорда 2 янгын хәбәргече урнаштырылган булган, шуларның берсе сигнал биргән.
Янгынның сәбәбе: электр җиһазларын техник эксплуатацияләү кагыйдәләрен бозу. Фатирның хуҗабикәсе 1943 елгы, ул зыян күрмәгән, әмма аның күчемсез милке иминләштерелмәгән булган.