Прокуратура коллективы нәтиҗәле эшли
Россия Федерациясе прокуратура хезмәткәрләре көне 1996 елдан Россия Федерациясе Президентының “Россия Федерациясендә прокуратура хезмәткәрләре көнен билгеләү турында”гы боерыгы нигезендә билгеләп үтелә. 1722 елның 12 гыйнварында Сенатта Бөек Петр боерыгы белән беренче тапкыр генерал-прокурор посты билгеләнгән.
Боерыкта “ Сенатта генерал-прокурор һәм обер-прокурор булырга тиеш, шулай ук генерал-прокурорга рапорт бирүче коллегия” дип язылган. Шулай ук боерыкта сенатка күзәтчелек буенча генерал-прокурорның төп вазыйфаларын һәм вәкаләтләрен, прокурорга буйсынучы органнар белән җитәкчелек итүе билгеләнгән. Берничә күзәтчелек судларында прокурор вазыйфалары кертелә.
Шулай итеп Россия тарихында прокуратура институтына нигез салына һәм ул ныклап үсеш ала. Прокуратура һәрвакыт гражданнарга үз проблемалары белән мөрәҗәгать итү өчен бердәнбер дәүләт органы булып тора. Анда фатирларда ут юклыктан башлап, финанс белән бәйле алдалауларга кадәр хәл итүләрен сорап киләләр. Һәм бүген дә, прокуратура эшендә иң мөһиме - бу аның хокук саклау функциясе. Кеше һәм граждан иреге, хокуклары үтәлешенә күзәтчелек мөһим функция булып кала.
Бүген район прокуратурасында дүрт оператив хезмәткәр, бер белгеч һәм ике техник хезмәткәр эшли.
2018 елда район прокуратурасы хезмәткәрләре район территориясендә законлылыкны ныгытуга зур өлеш керттеләр.
Уртак тикшерү барышында кеше һәм гражданин хокукларын һәм ирекләрен үтәү өлкәсендә 634 закон бозу очрагы ачыкланган.
Ачыкланган хокук бозулар нәтиҗәләре буенча, 78 законсыз карар кабул ителгән; 243 күрсәтмә кертелгән, аларны карау нәтиҗәләре буенча, 316 вазыйфаи зат дисциплинар җаваплылыкка тартылган; прокурор карары буенча 35 вазыйфаи зат административ җаваплылыкка тартылган.
Прокурор җавабы актлары буенча, әйләнә-тирә мохитне саклау һәм табигатьтән файдалану өлкәсендә 52 тәртип бозу, балигъ булмаганнарның хокукларын һәм мәнфәгатьләрен үтәү өлкәсендә 93 хокук бозу буенча чаралар күрелде. Судка 1 023 000 сумлык 35 дәгъва һәм гариза, шул исәптән, хезмәт хакын түләттерү турында 23 гариза җибәрелгән.
Шулай ук прокуратураның оператив хезмәткәрләре тарафыннан 176 җинаять эшен карап тикшергәндә дәүләт гаепләве хупланды; 103 граждан эшен карап тикшерү нәтиҗәләре буенча бәяләмә бирелде; 434 норматив-хокукый акт проекты өйрәнелде; федераль законнар норматив-хокукый актлар үзгәрешләренә туры китерү яки кабул итү зарурилыгы турында 71 тәкъдим кертелде. Болар барысы да – профессионаллар коллективының эш нәтиҗәсе.
Следите за самым важным и интересным в Telegram-каналеТатмедиа
