Рәис Сөләйманов питрәчлеләрне Яшьләр көне белән котлады

Питрәч районы башлыгы Рәис Сөләйманов питрәчлеләрне Яшьләр көне белән котлады.

«Яшьләр һәрвакыт республикабызны алга этәрүче көч булды һәм булачак. Татарстан рәисе Рөстәм Миңнехановның бу сүзләре бүгенге яшьләрнең ролен бик төгәл билгели. Нәкъ менә сез, хөрмәтле яшь буын вәкилләре – илебезнең гаять зур иҗади потенциалы, аның хезмәт, интеллектуаль һәм иҗади ресурсы.

Сезнең энергиягез, кызыксынучанлыгыгыз, яңа идеяләр тәкъдим итү һәм стандарт булмаган фикер йөртү сәләтегез туган җирегез һәм бөтен илегез файдасына җитди казанышлар өчен кирәк. Нәкъ менә сезгә, яшьләр, шәхеснең үз потенциалын тормышка ашырырга тулы иреге булган вакытта яшәү бәхете насыйп булды.

Безнең Питрәч районында яшьләр искиткеч – моны сезнең ватанпәрвәрлегегез һәм актив гражданлык позициягез, максатчанлыгыгыз, эштә, укуда, спортта, иҗатта һәм волонтерлык эшләрендә уңышларыгыз раслый.

Сезнең тормышыгыз бай һәм күптөрле булсын, анда уку һәм фән, ял һәм иҗтимагый эш, мәхәббәт һәм дуслык өчен урын табылуын телим. Хыялланыгыз һәм теләкләрегезне тормышка ашырыгыз. Сезгә һәрвакыт уңышлар юлдаш булсын. Сезгә сәламәтлек, бәхет, иминлек һәм оптимизм телим!» – диелә хәбәрдә.