Рәис Сөләйманов питрәчлеләрне районның 95 еллыгы белән котлады

Рәис Сөләйманов питрәчлеләрне районның 95 еллыгы белән котлады:

«Бу вакыт эчендә күп нәрсә үзгәрде, ләкин бер генә нәрсә үзгәрешсез калды – районда яшәүчеләрнең үзләре яшәгән урынга мөнәсәбәте.

Питрәч районы – төрле милләт һәм дин кешеләрен, язмышларын, характерларын, буыннарын бербөтен итеп берләштерүче уртак йорт ул.

Безнең горурланырлык, данларлык, хәтерләрлек һәм хөрмәт итәрлек шәхесләребез һәм вакыйгаларыбыз бар. Бу көнне районга нигез салган, аның үсешенә үз өлешләрен керткән, Бөек Ватан сугышы аша узган, сугыштан соңгы авыр елларда районны торгызган һәм үстергән кешеләрне рәхмәт белән искә алабыз.

Гомер-гомергә төп байлык булып хезмәт сөючән, талантлы, максатчан һәм туган якларын чын күңелдән яратучы район халкы тора. Бүген без сезнең белән бергә тарихның яңа битләрен язабыз, аны яңа вакыйгалар, даталар һәм исемнәр белән тулыландырабыз.

Барыгызга да нык сәламәтлек, игелекле һәм шатлыклы вакыйгалар, бәхет, иминлек, иртәгесе көнгә ышаныч һәм алга таба да районыбыз хакына зур уңышларга ирешүегезне телим!» – диелә мөрәҗәгатьтә.