Районның профсоюз активистларын бүләкләделәр
Районда Татарстан Республикасы профсоюзлар көнендә әлеге оешманың иң инициативалы әгъзаларын бүләкләү тантанасы булды.
Питрәчлеләргә бүләкләрне РФ Дәүләт учреждениеләре һәм җәмәгать хезмәт күрсәтү хезмәткәрләренең Татарстан Республикасы Бөтенроссия профсоюз оешмасы рәисе Ольга Калашникова тапшырды.
"Татарстан Республикасы профсоюзлары алдындагы хезмәтләре өчен" мактау билгесе (алтын) белән район башлыгы Эдуард Дияров бүләкләнде, ул профсоюзның социаль партнеры, оешманың үсешенә зур өлеш кертүче. Шундый ук мактау билгесе (көмеш) район Совеытның һәм башкарма комитетының башлангыч профсоюз оешмасы рәисе Анна Цыгановага тапшырылды.
Профсоюз хәрәкәтенең социаль яклау, яшьләр сәясәте һәм спорт өлкәсендәге активистлары да бүләкләр алды. Республика профсоюз комитеты грамоталарын Әлфия Матвеева, Юлия Фирсова, Лилия Зарипова, Лидия Дементьева һәм Ольга Грининага тапшырдылар. Ольга Макарова РФ дәүләт учреждениеләре һәм җәмәгать хезмәт күрсәтү хезмәткәрләренең республика профсоюз комитеты рәхмәтенә лаек булды.
Следите за самым важным и интересным в Telegram-каналеТатмедиа
