Ринат Садыйков Татарстанда Яшьләр елын игълан итәргә тәкъдим итте

Татарстан Яшьләр эшләре министрлыгы җитәкчесе Ринат Садыйков республикада Яшьләр елын игълан итәргә тәкъдим итте.

«Яшьләр фәлсәфәсен үзгәртергә, аларны тагын да файдалырак, җаваплырак булуга юнәлтергә кирәк. Бу безнең программаларны һәм проектларны яңа эчтәлек, кыйммәт, югары мәгънә белән тулыландыру аша мөмкин була», - диде яшьләр эшләре министры.

Аның сүзләренчә, яшьләр белән эшләүдә тиз нәтиҗәләр булмый, ә яңа шартлар яңа алымнар таләп итә.

«Бу барлык юнәлешләр буенча катлаулы, системалы, көндәлек һәм еш кына сизелми торган эш», - диде Садыйков.