Россия Федерация Президенты сайлауда питрәчлеләр кем өчен күпме тавыш биргән

15-17 мартта узган Россия Президентын сайлауда Питрәч районыннан катнашучылар саны 89,39 процент тәшкил итте.

100 процент беркетмәләрне эшкәрткәннән соң, илнең хәзерге Президенты Владимир Путинның 91,1 процент тавыш җыюы билгеле булды, аның өчен 37003 питрәчле тавыш биргән. Бу хакта район территориаль сайлау комиссиясе рәисе Геннадий Товкалев хәбәр итте.

Путиннан соң 4 процент нәтиҗә белән Николай Харитонов (КПРФ), аның өчен 1625 кеше, Леонид Слуцкий өчен (ЛДПР) 3,3 процент, аның өчен 1343 кеше тавыш биргән һәм Владислав Даванков (“Новые люди”) 1,6 процент, аны 635 кеше сайлаган.