Рус Казысындагы «Благовещение» социаль ярдәм үзәге ике грант отты

Рус Казысы авылыннан «Благовещение» социаль ярдәм үзәге Президент грантлары фондының ике грантына ия булды. Бу Питрәч районында мәдәни мирасны саклауга һәм иреклеләрне укытуга юнәлдерелгән мөһим проектларны гамәлгә ашырырга мөмкинлек бирәчәк.

Беренче проект – «Большой храм: летний лагерь наследия в Удельном Нечасово» – 997 225 сум күләмендә ярдәм алды. Аның кысаларында архитектура һәйкәле территориясендә беренче чираттагы мелиорация һәм саклау эшләрен башкару өчен хезмәт лагере оештырылачак. Проектның максаты – объектны саклау буенча гамәли бурычларны үтәү генә түгел, киләчәктә тулы масштаблы торгызу өчен нигез булдырып, җәмәгатьчелек игътибарын аның язмышына җәлеп итү.

Икенче проект – «Школа плотников: строительство деревянных лесов» – 947 392 сумга финансланачак. Аның асылы — 25 ирекле балта остасын реставрация эшләрен башкару күнекмәләренә өйрәтү. Практик дәресләр районның өч борынгы чиркәвендә узачак. Нәтиҗәдә әзерлекле белгечләр мөстәкыйль рәвештә конструкцияләр төзи алачак, бу киләчәктә мондый эшләргә чыгымнарны 2-3 тапкырга киметергә мөмкинлек бирәчәк.