Шәле авылында яшәүче тыл ветераны Рәхмәтулла Мәннаповка 90 яшь тулды

Рәхмәтулла Габдулла улы 1930 елның 15 августында туа. Аның бөтен гомере туган авылында уза. Яшьтән үк колхозда такта ярдыручы булып эшләгән. Үзенең эш күнекмәләрен әле дә онытмаган. Ул һәрвакыт авылдашларына ярдәмгә килергә әзер. Ә шәлелеләр исә аңа рәхмәт белдерәләр һәм хөрмәт белән карыйлар. Рәхмәтулла абый үзенең гомер бәйрәмен тормыш иптәше Рабига апа белән каршы алды. Алар 60 елдан артык бергә гомер итәләр, кайгыда да, шатлыкта да янәшә булганнар, биш бала тәрбияләп үстергәннәр.