Татарстанда ял көннәрендә нуль градуска кадәр җылытачак
Бу хакта «МЕТЕО» фаразлау үзәге җитәкчесе Александр Шувалов хәбәр итте
Атна ахырында Татарстанда һава температурасының сизелерлек күтәрелүе көтелә, әмма моңа кадәр һава торышы тотрыксыз булачак.
Синоптик сүзләренә караганда, бүген һәм иртәгә термометр баганалары -4 ..-9 градус күрсәтәчәк, аннары бер тәүлеккә -5 градус, аннары тагын -4 ..-9, ә төнге сәгатьләрдә -10..-12.
Ял көнендә республика төньяк-көнбатыштан килүче циклонның җылы секторына эләгәчәк. Һава температурасының нульгә якын булуы якынлашып килүче язның беренче билгесе булачак. Сизелерлек явым-төшем көтелми: чәршәмбе һәм пәнҗешәмбе көннәрендә бераз кар явуы ихтимал, аннан соң һава торышы тотрыклана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
