Татарстанда янгынга каршы режим 25 нче декабрьдән гамәлгә керәчәк

атарстанда 25 нче декабрьдән махсус янгынга каршы режим гамәлгә керәчәк. Яңа ел һәм Раштуа бәйрәмнәрендә пиротехника куллануга чикләүләр киләсе елның 8 нче гыйнварына кадәр дәвам итәчәк. Тиешле карарга ТР премьер-министры Алексей Песошин кул куйды.

Документ нигезендә, махсус янгынга каршы режим гамәлдә булган чорда республикада 1-3 куркыныч класслы пиротехник эшләнмәләрне (бенгал утларыннан, хлопушкалардан тыш) куллану тыела. Чикләүләр түбәндәге чикләрдә урнашкан территорияләрдә гамәлдә булачак: 

• Сәнәгать объектлары, транспорт инфраструктурасы (автомобиль юлларыннан тыш), ягулык-энергетика комплексы (шул исәптән линияле) чикләреннән 500 метр ераклыкта; 
• Торак-коммуналь хуҗалык, авыл хуҗалыгы объектлары, кешеләр күпләп булган объектлар, автомобиль юллары, шәхси йорт хуҗалыклары чикләреннән 30 метр ераклыкта; 
• Күп фатирлы йортлардан 30 метр ераклыкта. 

ТР муниципаль берәмлекләренең җирле үзидарә органнары 30 һәм 500 метрлы зоналарда пиротехник эшләнмәләрне куллану тыелган өстәмә объектлар исемлеген билгеләргә хокуклы. 

Халык үз чиратында махсус янгынга каршы режим гамәлдә булган чорда пиротехник эшләнмәләрне рөхсәтсез куллану очраклары турында ашыгыч оператив хезмәтләргә (112, 01, 02) хәбәр итә ала.

Чыганак