Татарстанда Яшьләр үзәкләре кичкә кадәр эшли башлаячак
Бу хакта республиканың яшьләр эшләре министры Азат Кадыйров хәбәр итте
Яшьләргә уңайлы булсын өчен, Татарстанда яшьләр оешмаларының эш графигына төзәтмәләр кертеләчәк. Үзәкләрдә ишекләр, укудан тыш вакытта шөгыльләнергә мөмкинлек бирү өчен, 21:00гә кадәр һәм хәтта соңрак та ачык булачак.
Республиканың яшьләр эшләре министры Азат Кадыйров ассызыклаганча, бу чара социаль челтәрләрдәге деструктив йогынтыга каршы торуга юнәлдерелгән системалы профилактик эшнең бер өлеше булачак.
“Соң сәгатьләрдә хобби һәм файдалы эшчәнлек белән шөгыльләнү өчен альтернатива биреп, без яшүсмерләр үсеше өчен уңай мохит тудырабыз”, – дип өстәде Азат Кадыйров.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
