Татарстанда шәхси хуҗалыкка сыерлар сатып алуга чыгымны өлешчә каплауда ярдәм итәләр
Бу турыда министрлык сайтында хәбәр ителә.
Татарстан Авыл хуҗалыгы һәм азык-төлек министрлыгы шәхси ярдәмче хуҗалык алып баручы гражданнар өчен гаризалар сайлап алу игълан итте.
Шәхси ярдәмче хуҗалык алып баручы гражданнар товар һәм токымлы таналар сатып алуга 60,0 мең сум һәм бер мәртәбә бозаулаган яшь сыерлар сатып алуга 70,0 мең сум исәбеннән чыгымнарның бер өлешен каплауга акча ала ала.
Сөт юнәлешендәге мини-фермалар төзүгә дә түләү бирелә. Түләү 8 һәм аннан күбрәк сыер булган сөт фермасы өчен - 600 мең сум, 5 һәм аннан күбрәк сыер булган сөт фермасы өчен 300 мең сум исәбеннән санала, диелә хәбәрдә.
Гаризалар 25 сентябьдән 9 октябрьгә кадәр кабул ителә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
