Җәмгыять
Волейбол. Район чемпионы исемен шалелеләр һәм колайлылар уйнатачак
Кичә һәм бүген авыл яшьләре арасында район чемпионатының ярымфинал матчлары узды.
Беренче парда ике җиңүгә кадәр сериядә "Кулаево" һәм "Кобяково" уйнадылар. Ике уен да бик киеренке көрәштә узды. Беренче көнне колайлылар - 2:1, ә икенче көнне - 2:0 исәбе белән җиңде. Икенче парда "Легион" (Шәле) һәм "Янцевары" уйнады. Шәлелеләр ике ышанычлы җиңү яуладылар (2:0, 2:0) һәм финалга чыктылар. Шулай итеп, киләсе атнада район чемпионы исеме өчен шәлелеләр һәм колайлылар уйнаячак.
Өченче урын өчен Кибәк Иле һәм Янсуар командалары көрәшәчәк.
Следите за самым важным и интересным в Telegram-каналеТатмедиа
