Җәяүлеләр сукмаклары да которып үскән үлән астында калды
Быел чүп үләннәре котырып үсте, аеруча да алабута, билчән, әрекмән. Моңа һава шартлары да уңай тәэсир итте – яңгыры да, җылысы да булды бит. Ә менә питрәчлеләр чүп үләннәрен чабарга теләми, шуңа да алар кайбер урамнардагы йортлар янәшәсендә кеше биеклегендә булып үскән.
Район үзәгендә Совет урамында таудан төшкәндә биек үлән арасыннан тротуарны да күреп булмый хәтта. Анда кичләрен генә түгел, көндез дә йөрүе куркыныч, бигрәк тә балаларга. Шуның аркасында питрәчлеләр машина йөри торган юлдан йөрергә мәҗбүр, ә моның никадәр куркыныч булуын барыбыз да яхшы белә.
Кайчандыр Яр буе урамындагы чишмә питрәчлеләрнең яратып су ала торган урыны иде. Аны төзекләндерделәр. Әмма аннан су агып чыкмый башлады. Хәзер бу чишмә караучысыз калды, аны чүп-үләннәре басты. Менә хәзер ул тиешле игътибар таләп итә.
Әйдәгез, районыбызны чиста итик, безгә бит кунаклар күп килә, төрледән-төрле чаралар үткәрелеп кенә тора.
Следите за самым важным и интересным в Telegram-каналеТатмедиа
