Питрәч районы Керәшен Сәрдәсе авылында гадәти булмаган йола үткәрделәр

Ул Питраудан соң килгән икенче якшәмбедә үткәрелә. Авылдагы изге чишмә янында Керәшен Сәрдәсе авылында яшәүчеләр бу көнне учак яга, монда ел дәвамында чачауникларга (часовня) эленгән сөлгеләр, кулъяулыклар җыеп алып яндырыла. Аннан соң бу учакта бөтен авыл халкы алып килгән азык-төлектән тәбә һәм бер казан ботка пешерәләр. Һәр гаилә бу ботканы йортка иминлек, өйдәгеләргә сәламәтлек теләп ашый. Калган ризыкны кош-кортларга бирәләр