Абитуриентлар Россия медицина вузларына кергәндә бонус баллары алырга мөмкин

Татарстан Сәламәтлек саклау министрлыгы һәм Казан дәүләт медицина университеты «Медицинага адымнарың» диа аталган профориентация проектын башлап җибәрә. Ул абитуриентларга Россиянең теләсә кайсы медицина югары уку йортына укырга кергәндә өстәмә биш балл алу мөмкинлеге бирәчәк.

Моның өчен берничә адым ясарга кирәк:

• 7 февральгә кадәр махсус QR-код буенча чарага теркәлергә.
• Медицина тарихы буенча онлайн-викторина узарга.
• Күренекле хирург Александр Вишневский турында фильм карарга.
• Фильм буенча контроль сорауларга җавап бирергә.