Мәктәпкә әзерләнергә булышыгыз
Бөтен республикадагы кебек үк, безнең районда да уку елы алдыннан традицион рәвештә “Мәктәпкә әзерләнергә булыш” акциясе үтә. Аның кысаларында, булачак беренче сыйныф укучыларына һәм аз керемле гаилә балаларына мәктәп кирәк-яраклары алырга ярдәм итәләр.
Акцияне оештыручыларның бурычы – мохтаҗ булган гаиләләргә ярдәм кулы сузу, беренче сыйныф укучысы тормышындагы иң мөһим көн бәйрәмгә әверелсен өчен кулдан килгәннең барысын да эшләү.
Шул ук вакытта, акция кысаларында, 2-11 нче сыйныфларда укучы мохтаҗ балаларга да ярдәм күрсәтелә. Мәктәп портфеле комплекты традицион булып кала: уку кирәк-яраклары, дәфтәрләр, хезмәт һәм сынлы сәнгать дәресләре өчен җыелмалар, мәктәп формасы комплектлары.
Баланы мәктәпкә тиешенчә әзерләү – җиңел эш түгел. Шуңа күрә, хәйрия эшчәнлеге мәсьәләләре буенча район советы район халкын, предприятиеләр һәм оешмалар җитәкчеләрен, бизнес вәкилләрен акциядә актив катнашырга һәм безнең көч – бердәмлектә, үзара ярдәм итүдә икәнлеген исбат итәргә чакыра.
Мондый изге эштә катнашу акчалата средстволар белән ярдәм итү генә түгел, кыен хәлдә калган гаиләләргә һәм балаларга кайгырту күрсәтүдә.
Следите за самым важным и интересным в Telegram-каналеТатмедиа
