Питрәч балалар бакчасында Бөтенроссия семинары узды
Анда илнең төрле төбәкләреннән 67 мәгариф хезмәткәре катнашты.
Бу мәктәпкәчә белем бирү учреждениесендә ата-аналар белән эшләүгә зур игътибар бирелә, балаларның әтиләре дә, әниләре тәрбия-белем бирү процессында актив катнашалар.
Бу балалар бакчасы базасында шулай ук балалары бакчага йөрмәүче ата-аналарга консультацияләр бирү үзәге уңышлы эшли.
– Безнең үзәк елына 1200 консультация үткәрә. Без Царево, Богородск кебек зур торак пунктларга барабыз, безгә бөтен районнан ата-аналар килә, кайбер дәресләр дистанцион рәвештә дә үткәрелә, – дип сөйләде Елена Миронова.
Күптән түгел балалар бакчасының педагог-психологы Мария Никифорова Бөтенроссия ата-аналар мәгарифе үзәге конкурсында призер булды. Бу “Ата-аналарга консультатив ярдәм һәм гаиләдә тәрбия потенциалын оештыру өчен педагогик компетентлык һәм мәгариф киңлеген үстерү” Бөтенроссия семинарын үткәрү өчен стимул булды.
Семинарда илнең төрле төбәкләреннән 67 мәгариф хезмәткәре катнашты.
– Без кунакларыбыз өчен балалар бакчасы буйлап экскурсия үткәрдек, ата-аналар белән эш алып барыла торган махсус биналарны күрсәттек, – дип билгеләп үтте Елена Ивановна.
Следите за самым важным и интересным в Telegram-каналеТатмедиа
