Питрәч районы педагогларының казанышлары турында сөйлибез

Кощак мәктәбенең тарих укытучысы Цыкина Екатерина Владимировна “Авыл укытучысы” республика конкурсында өченче урынны яулады.

Шәле авылының “Тургай” балалар бакчасының өлкән тәрбиячесе Хәйруллина Ләйсән Азат кызы “Россия ел тәрбиячесе” Бөтенроссия конкурсында “Туган телне өйрәтү буенча тәрбияче” номинациясендә җиңү яулады.

“Россиянең ел укытучысы-2025” конкурсының зона этабында Богородск мәктәбенең рус теле һәм әдәбияты укытучысы Голубева Лада Анатольевна “Ел укытучысы” номинациясендә һәм күп профильле лицейның башлангыч сыйныфлар укытучысы Григорьева Эвелина Эдуардовна “Педагогик дебют” номинациясендә җиңүчеләр булдылар.

Туган телләрне һәм гореф-гадәтләрне саклау һәм үстерү өчен грантларның гомуми суммасы 2250000 сум. Дүрт учреждениегә 500000әр сум бирелде. Бу “Үсенте” һәм “Золотая рыбка” балалар бакчалары, Шәле һәм Кощак мәктәпләре. Биш педагог 50000әр сум алды: Питрәчнең 3 нче “Солнышко” балалар бакчасы тәрбиячесе Золина Ольга Михайловна, Шәле авылының “Тургай” балалар бакчасы тәрбиячесе Галиәхмәтова Люция Рафаэль кызы, “Алгоритм” технология лицееның татар теле укытучысы Бәдретдинова Рушания Якуб кызы, күп профильле лицейның татар теле укытучысы Нургатина Люция Исраил кызы, Питрәч 2 нче мәктәбенең татар теле укытучысы Даминова Римма Александровна.

“Бәләкәч” балалар бакчасы “Мәгариф” илкүләм проектының “Заманча мәктәп” федераль проекты кысаларында 450000 сумлык “Үсеш маршрутлары” федераль грантын отты.

Россия Федерациясенең иң яхшы укытучыларына 200000 сумлык премияләр бирү конкурсында Питрәч 1 нче мәктәбенең математика һәм физика укытучысы Егошина Элина Александровна җиңде.

“Физик-математик алгарыш” төбәк проекты кысаларында алты укытучыга һәм алты укучыга 1410000 сумлык грантлар бирелде. Күп профильле лицейдан Борисова Вера Ивановна, Питрәч 2 нче мәктәбеннән Вәлиева Гөлчәчәк Фәнис кызы, Питрәч 1 нче мәктәбеннән Матросова Юлия Николаевна, Питрәч 1 нче мәктәбеннән Егошина Элина Александровна, Ленино-Кокушкино мәктәбеннән Блаченова Екатерина Николаевна, “Алгоритм” технология лицееннан Габделхаликова Вероника Геннадьевна. Питрәч беренче мәктәбеннән Мөслим Цуров, Леонид Молодов һәм Адилә Ситдыйкова, “Алгоритм” технология лицееннан Камил Шакиров һәм Динар Мәрдәшин, Ленино-Кокушкино мәктәбеннән Оксана Блаченова 50000 сум алды.

Мәгълүмат-методика бүлегенең җиде методисты “Безнең иң яхшы методист-2025” конкурсында гомуми 1000000 сумнан артык акча отты.

Грантларның гомуми суммасы 5360000 сум тәшкил итте.

Районның 35 мәгариф оешмасы базасында 36 муниципаль, 11 республика һәм 11 федераль инновацион һәм эксперименталь мәйданчыклар булдырылды. Шәленең “Тургай” балалар бакчасы һәм Надеждино мәктәбе төбәк инновацион мәйданчыгы статусын бирү конкурсында җиңеп чыктылар. Инновацион эшчәнлек 12 учреждениедә алып барыла: өч мәктәптә – Ленино-Кокушкино, Надеждино мәктәпләрендә һәм “Алгоритм” лицеенда һәм тугыз балалар бакчасында – “Колокольчик”, “Айгөл”, “Каенкай”, “Бәләкәч”, “Родничок”, “Тургай”, “Үсенте”, “Сказка”, “Золотая рыбка”.