Питрәчнең 2 нче мәктәбендә укучыларны патриотик тәрбияләүгә зур игътибар бирелә

Питрәчнең 2 нче мәктәбендә укучыларны патриотик тәрбияләүгә зур игътибар бирелә.

Мәктәп – балалар белем ала торган урын гына түгел. Ул шәхесне формалаштыра, әхлакый һәм гражданлык сыйфатларына нигез сала торган мөһим социализация институты да. Бүгенге мәктәпнең төп бурычларының берсе булып үз Ватанын яратучы, аның тарихын, мәдәниятен, горефгадәтләрен хөрмәт итүче һәм җәмгыять иминлеге өчен хезмәт итәргә әзер булган ватанпәрвәрләр – патриотлар тәрбияләү тора.

Бүгенге көндә, ватанпәрвәрлекнең формальлеккә яки шигаргә – лозунгка әверелмәве бик мөһим. Ул аңлы, гуманлы һәм ачык булырга, хөрмәт белән сугарылырга тиеш. Мәктәптә тәрбия эше нәкъ менә шуңа юнәлтелә дә.

Питрәчнең 2 нче урта гомумбелем бирү мәктәбендә укучының гражданлык тәңгәллеген торгызуга аерым игътибар бирелә. Ел дәвамында мәктәптә төрле юнәлештә күпсанлы тәрбияви чаралар (тантаналы концертлар, сыйныф сәгатьләре, очрашулар, бәйгеләр, акцияләр, экскурсияләр, проект һәм тикшеренү эшләре һәм башка чаралар үткәрелә. Менә шундый чаралар аша балалар күңеленә патриотизм орлыклары салына.

Алар арасында укучыларда зур кызыксыну уяткан иң зур чараларның берсе – Бөек Ватан сугышында Җиңүнең 80 еллыгына багышланган “Чемодандагы музей” проект эшен аеруча билгеләп үтәсе килә. Әлеге проект кысаларында 1-11 нче сыйныф укучылары сугыш елларында көнкүрештә кулланылган әйберләрдән экспонатлар туплап чемоданда чын музей ясадылар. Чемоданда сугыштан килгән солдат хатлары, укучыларның ветеран бабайәбиләре фотолары да урын алган иде.

Махсус хәрби операция вакытында һәлак булган сугышчыларга мемориаль такта ачу, көмеш волонтерлар штабына бару һәм маскировка челтәрләрен үрүдә ярдәм күрсәтү укучылар күңелендә җуелмас эз калдырды. Ватанны саклаучылар елына багышланган концертта махсус хәрби операциядә катнашучыларның гаиләләрен дә чакырдык. Бөек Ватан сугышы ветераннары гаиләләренә ярдәм итү, гуманитар ярдәм җыюда актив катнашабыз.

Мәктәп фойесында сугыш елларының төп вакыйгалары чагылдырылган күргәзмә укучылар, ата-аналар һәм педагогларның уртак тырышлыгы нәтиҗәсе.

Шиһапова Лилия Альберт кызы җитәкчелегендәге 8 “В” сыйныф укучылары “Җиңүгә 80 яхшы эш” проектында катнашып, берсеннән-берсе истә калырдай гамәлләр башкардылар.

Ватанпәрвәрлек – туган җирең, аның кешеләре белән горурлануны гына түгел, илеңә хезмәт итүне, аның мәнфәгатьләрен яклауны, кайгыртуны, саклауны дә үз эченә ала. Ватанпәрвәрлек яшь буынны тәрбияләүдә иң мөһим фактор булып тора. Мәктәптә башкарылган һәр эш укучыны илебезнең патриотлары итеп үстерүгә юнәлдерелгән.