Питрәчтә районның иң яхшы ата-аналар комитеты билгеләнде

Фото: © Маргарита Петрова / «Питрәч-информ»

Питрәч 2 нче мәктәбе базасында ата-аналар комитетларының “Тату сыйныф серләре” республика конкурсының муниципаль этабы узды.

Катнашучылар берничә сынау узарга тиеш иде: үз коллективларының визит карточкасын күрсәтергә, балалар һәм ата-аналарның уртак иҗади эшләре күргәзмәсен оештырырга, иҗади номер күрсәтергә, шулай ук социаль әһәмияткә ия проектны якларга. Жюри әгъзалары бертавыштан барлык командаларның югары әзерлек дәрәҗәсен билгеләп үттеләр.

Ярыш йомгаклары буенча Питрәч 2 нче мәктәбе командасы җиңү яулады. Хәзер нәкъ менә аларга конкурсның зона этабында район данын якларга туры киләчәк.

Күп профильле лицей көмеш призер булды, лидерлар өчлеген Ленино-Кокушкино урта мәктәбе япты.

Моннан тыш, жюри махсус номинацияләрдә җиңүчеләрне билгеләде:

• “Иң бердәм сыйныф” – Колай мәктәбе;
• “Иң талантлы сыйныф” – Кощак мәктәбе;
• “Иң патриотик сыйныф” – Иске Шигали мәктәбе;
• “Иң артистларча сыйныф” – Шәле мәктәбе.

ФОТОРЕПОРТАЖ