Питрәчлеләр коммерцияле булмаган оешмалар эшчәнлеге буенча уку-укыту семинарында катнаштылар
23 августта "Казан" милли-мәдәни үзәгендә «Татарстан – яңа гасыр» республика иҗтимагый хәрәкәте зона координацион Советларының яшьләр секторлары җитәкчеләре һәм рәисләренең уку-укыту семинары булып узды.
Питрәч районыннан семинарда "ТНВ" район территориаль бүлеге хәрәкәтенең совет рәисе Наталья Ксенофонтова һәм яшьләр секторы хәрәкәте җитәкчесе Айгөл Гыйззәтуллина катнашты.
Монда сайлау комиссияләренә кандидатлар тәкъдим итү, коммерцияле булмаган оешмалар эшчәнлегенә грант рәвешендә ярдәм күрсәтү, конференцияләр һәм территориаль бүлек Советларының отчетларын һәм беркетмәләрен оформить итү таләпләре буенча мәсьәләләр турында фикер алыштылар. Шулай ук "ТНВ" республика иҗтимагый хәрәкәтенең 20 еллыгына әзерлек турында да сөйләштеләр.
Следите за самым важным и интересным в Telegram-каналеТатмедиа
