Питрәч районы яңа ашыгыч ярдәм машинасы алды
Тапшыру тантанасы Татарстан Сәламәтлек саклау министрлыгының йомгаклау коллегиясе алдыннан узды
Фото: © Эвелина Киселева / «Татар-информ»
Республика Рәисе Рөстәм Миңнеханов барлык үзәк район хастаханәләренә 50 ашыгыч ярдәм автомобиле тапшырды.
«Безнең яхшы акция үткәрү, санитар автомобильләр тапшыру мөмкинлеге бар. Бүген биредә – 27 автомобиль. Алар барлыгы 50. Бу машиналарны «Sollers» компаниясе җитештергән. Планлы, контракт автомобильләреннән тыш, компания үзеннән дә ике машина бүләк итә», - дип искәртте Рөстәм Миңнеханов.
Барлык автомобильләр дә Татарстанда җитештерелгән, аларда кирәкле бөтен җиһазлар, шул исәптән пациентларны реанимацияләүдә кулланыла торган җайланмалар да бар.
Следите за самым важным и интересным в Telegram-каналеТатмедиа
