Питрәч районында медицина учреждениеләренең бәйрәм көннәрендә эш графигы үзгәрәчәк

Фото: © Люция Сираҗиева / «Питрәч-информ»

1 ноябрьдән 6 ноябрьгә кадәр Питрәч районы медицина учреждениеләре махсус эш режимына күчәчәк.

Булачак бәйрәмнәр уңаеннан пациентларны кабул итү графигы түбәндәгечә булачак:

1 ноябрьдә барлык табиб амбулаторияләре, фельдшер-акушерлык пунктлары һәм район поликлиникасы бер сәгатькә азрак эшләячәк.

3 ноябрьдә медицина учреждениеләре пациентларны кизү тору режимында кабул итәчәк. Поликлиниканың һәм барлык ФАПларның эше сәгать 8дән 13кә кадәр булачак. Бу көнне поликлиникада терапевт, стоматолог һәм хирург эшләячәк. Көек авылындагы табиб амбулаториясендә шул ук режимда терапевт һәм педиатр кизү торачак.

4 һәм 6 ноябрьдә 8дән 13сәгатькә кадәр поликлиникада кабул итүне терапевт һәм педиатр алып барачак.

5 ноябрьдә медицина персоналы өчен бер сәгатькә кыскартылган эш көне билгеләнде.

Районның барлык медицина учреждениеләре гадәти эш графигына 7 ноябрьгә тулысынча кайтачак.

Пациентлардан үз визитларын алдан планлаштырырга сорыйлар.