Табиб-иммунолог аллергия китереп чыгарырга мөмкин чәчәкләрне атады

Барлык чәчәкләр дә аллергиклар өчен бертигез куркынычсыз түгел. Аллерголог, иммунолог һәм терапевт Людмила Лапа «Радио 1»гә биргән интервьюсында белдергәнчә, күпчелек очракта аллергияне көчле исле чәчәкләр китереп чыгара, чөнки аларда серкә күп. Аның сүзләренчә, лилия, ясмин һәм сирень иң аллерген чәчәкләр булып тора.

«Әгәр чәчәкләрнең исе көчле булса, әлбәттә, алар аллергия китереп чыгарырга мөмкин. Иң куркынычлары — лилия чәчәге. Аларны хәтта йокы бүлмәсендә калдырырга да ярамый. Сирень һәм ясмин шулай ук хуш исле чәчәкләр, аллергия китереп чыгару куркынычы зур. Һәм аларда серкәләр күп», - дип аңлатты эксперт.

Эксперт фикеренчә, иң куркынычсызлары - лалә чәчәкләре. Алар аллергия китереп чыгармый диярлек. Ромашканың исе көчле түгел, шуңа артык куркыныч түгел, әмма серкәгә аллергиясе булган кешеләргә сак булырга кирәк.