Волейбол буенча чираттагы район чемпионаты башланды

Бу чемпионатта, үткән юлдагы кебек үк, 9 команда – «Богородское», «Кобяково», «Кулаево», «Старое Шигалеево», «Янцевары», «Олимп» (Питрәч), «Факел» (Күн), «Легион» һәм «Юниор» (икесе дә Шәле авылыннан) катнаша.
Башта командалар якшәмбе саен өч тапкыр регуляр чемпионат үткәрәчәк. Аны тәмамлаганнан соң плей-офф сериясендә район чемпионы һәм призерлары билгеләнәчәк.
Яңа чемпионатның барлык беренче уеннары 2:0 исәбе белән тәмамланды. Район чемпионы «Легион» «Юниор»ны, «Кулаево» командасы «Старое Шигалеево»ны, «Богородское» –«Кобяково»ны, «Янцевары» – «Факел»ны отты.