Беренче тапкыр медальсез калдылар

ХОККЕЙ. ПРИЗЕРЛАР АРАСЫНА КЕРӘ АЛМАДЫЛАР

Хоккей буенча һәвәскәр командалар арасында, "А" дивизионында беренчелек төгәлләнде, анда безнең "Пестрецы" ир-атлар командасы да катнашты.

Питрәч хоккейчылары даими беренчелекне уңышлы үткәреп, икенче урын алдылар. Алар турнир таблицасында күп вакыт лидер булып тордылар, бары тик ахырда гына Казаннан "Тимерхан" командасына урын бирделәр.

Плей-офф сериясендә теләчелеләргә җиңелеп, питрәчлеләр өченче урын өчен "Тимерхан" белән уйнадылар. Уен көндәш команда бозында узды, кызганыч, безнекеләр 1:3 исәбендә оттырдылар һәм беренче тапкыр медальләрсез калдылар. Бердәнбер алка Сабир Янов исәбендә.

МИНИ-ФУТБОЛ. "ОЛИМП" КАБАТ ЮГАРЫДА

Авыл яшьләре арасында мини-футбол буенча район беренчелеге тәмамланды. Анда 11 команда катнашты, алар ике әйләнеш нәтиҗәләре буенча район чемпионын һәм призерларын билгеләде.

Бу сезонда беренчелек киеренке рухта үтте, беренче урын өчен берьюлы берничә команда көрәште. Чемпион һәм призерлар бары соңгы турда гына билгеләнде. Чемпион булып Питрәч "Олимп" командасы саналды, ул "Олимпчылар"ны 9:2 исәбе белән тар-мар итте, һәм, нәтиҗәдә, 46 очко җыйды. Икенче урынны "Ак барс" командасы (Татар Тау Иле) алды, алар соңгы турда "Аврора"ны - 7:0 исәбендә җиңде. Өченче урын "Арсенал"да, ленинококушкинолылар беренчелекнең күп өлешендә лидер булып тордылар, әмма финишта берничә уңышсыз уен аларны чемпион исеменнән мәхрүм итте. "Ак барс" та, "Арсенал" да 45әр очко җыйды, шәхси очрашу нәтиҗәләре буенча, "Акбарслылар" көндәшләреннән өстенрәк булып чыкты. Калган командалар алдагы тәртиптә урын алды: 4. "Аякс" - 40 очко, 5. "Феникс" - 35 очко, 6. "Скиф" - 34 очко, 7. "Аврора" - 28 очко, 8. "Титан" - 19 очко, 9. "Легион" - 14 очко, 10. "Олимп-2" - 8 очко, 11. "Олимпчылар" - 5 очко.

Иң яхшы һөҗүмче булып Алексей Ивановский ("Олимп") саналды, ул гол+пас системасы буенча 65 балл (38+27) җыйды, Николай Парфенов ("Титан") икенче урында - 62 балл (39+23), Вячеслав Смирнов ("Арсенал") - өченчедә - 58 балл (35+28).

Турнирның иң яхшы снайперы - Николай Парфенов, ул көндәшләре капкасына 39 туп кертте, гол пасларын иң күп бирүче - Ирек Әхмәтҗанов ("Аякс") - 36.

СТАРТТА ЯШЬ ШОФЕРЛАР

Питрәч ДОСААФы базасында, автоклассларда өйрәнү курсларын үткән курсантлар арасында "Яшь машина йөртүче-2018" район конкурсы булып узды.

Стартка барлыгы унбиш кыз һәм егет чыкты, алар "Юл йөрү кагыйдәләрен белү", фигуралы йөртү һәм пневматик мылтыктан ату кебек конкурсларда ярыштылар.

Беренче конкурс ДОСААФ бинасында үткән булса, ату һәм машина йөртү исә автодромда узды.

Өч конкурс нәтиҗәләре буенча, җиңүче булып Искәндәр Садриев (Ленино-Кокушкино) саналды, икенче урынны Артем Арбузов һәм өченчене Андрей Петров (икесе дә Белкинодан) алды. Өч призер да Питрәч автомәктәбендә белем ала.