Җиде матчта – җиде җиңү

Лидерлар арасында беренче әйләнешнең үзәк матчларының берсендә киеренке көрәш барды. “Виктория” командасы (Питрәч) авыр көрәштә Ленино-Кокушкиноның “Аякс” командасын 3:1 исәбенә җиңде һәм турнир таблицасында иң өстә калды. “Виктория” командасы җиде матчта җиде җиңүгә иреште. “Аякс” рәттән ике тапкыр җиңелүгә дучар булганнан соң, дүртенче урынга төште һәм аларның исәпләрендә – 15 очко. Икенче урында “Арсенал” командасы, ул “Аврора” командасын – 7:2 исәбенә җиңде һәм 18 очко туплады. Өченче урында “Олимп” командасы, ул “Триумф” командасын 9:3 исәбе белән җиңде.

“Титан” командасы “Спарта” командасын зур исәп – 10:2 белән җиңде. Ә “Спарта” исәбендә әлегә ноль очко. Шәленең “Легион” командасы киеренке көрәштә “Феникс”ны 2:1 исәбенә җиңде.

Беренче әйләнеш уеннары тәмамланырга  өч тур калды, шуңа күрә призлы урыннар өчен көрәш һәр тур саен кискенләшә генә бара.

Бомбардирлар арасында беренче урында – Алексей Ивановский (“Олимп”), ул 16 туп керткән һәм 6 пас тапшырган. Икенче һәм өченче урыннарны Николай Парфенов (“Титан”) һәм Артем Утяганов (“Виктория”) бүлеште, аларның исәбендә 20шәр балл – 14+6.

Район яшьләре футбол белән генә яшәми, бу якшәмбедә алар футбол мәйданчыгында тәртип тә урнаштырдылар, ремонт ясадылар.

– Без үзебезнең футбол кырын карап кына торабыз, – диде чемпионатны оештыручыларның берсе Владислав Щуплецов. – Менә бүген дә баганаларны ныгыттык. Футбол кырындагы тамгаларны буядык, башка ремонт эшләре дә башкардык. Район үзәгендә футбол уйнарга яратучылар бик күп, мәйданчыкның буш тормавы куандыра, монда иртән балалар, кичен яшьләр футбол уйный. Шуңа күрә дә мәйданчыкны карап, тәртиптә тотарга кирәк һәм без, яшьләр, үзебезнең стадионны тәртиптә тотарга тырышабыз.