Ленино-Кокушкинода "Итекле хоккей" турниры узды

Бу көнне буран булуга карамастан, уеннар югары дәрәҗәдә үтте. 

Беренче урынны Шәле командасы яулады, ул финалда Балык Бистәсе районыннан Казаклар Чаллысы командасын 8:1 исәбе белән отты. Өченче урынны Татар Тау Иле авылы командасы 6:1 исәбенә җиңгән чытылылар яулады. 

Иң яхшы уенчылар дип Нияз Галиуллин (капкачы, Шәле), Леонид Воробьев (сакчы, Казаклар Чаллысы), Ринат Сибгатуллин (бомбардир, Чыты) танылды. 

Барлык призерларга оештыручылар истәлекле бүләкләр тапшырдылар.