Мини-футбол. "Виктория" - лидер

Алты уенда да җиңеп, турнир таблицасын Питрәчнең “Виктория” командасы җитәкләде, ул соңгы уенда Шәленең “Легион” командасын 10:2 исәбендә тар-мар итте.
Башка лидер, “Аякс” (Ленино-Кокушкино) бик киеренке көрәштә үз якташлары “Арсенал”га – 1:2 исәбендә оттырды. Хәзер бу командалар, 15әр очко җыеп, икенче һәм өченче урыннарны бүлешәләр. Дөрес, “Аякс”ның запасында тагын бер уен бар. “Спарта” командасын 13:2 исәбендә тар-мар иткәннән соң, дүртенче урынга “Олимп” күтәрелде һәм 13 очко җыйды. Әлеге турда “Скиф” командасы “Аврора”ны – 3:2, һәм “Феникс” командасы “Триумф”ны – 4:0 исәбе белән җиңде.
Һөҗүмчеләр арасында ике лидер – Алексей Ивановский (“Олимп”) һәм Артем Утяганов (“Виктория”), алар 12 туп керттеләр һәм 6 гол пасы бирделәр. Алардан бер баллга гына Андрей Тиханов (“Скиф”) һәм Виталий Филиппов (“Триумф”) калыша, алар исәбендә 11әр туп һәм алтышар пас.
Уеннар сишәмбе һәм пәнҗешәмбе көннәрдә  балалар шәһәрчегендә үтә, алар 20 сәгатьтә башлана. Матур уен карарга һәм үз командагызга көч биреп утырыр өчен балалар шәһәрчегенә килегез.
(6+)