Питрәч баскетболчылары Татарстан беренчелегендә икенче урынны алды

Кама Аланында 2009 елда туган яшүсмерләр арасында баскетбол буенча Татарстан беренчелегенә финал уеннары узды.

Безнең команда үз төркемендә Азнакайны - 69:23, Алабуганы - 58:28, Аксубайны - 64:11 исәпләренә отты. Ярымфиналда питрәчлеләр шулай ук Байлар Сабасын 42:28 исәбенә тар-мар итте. 
Паркет хуҗалары командасына каршы финал уены уңышсыз булды. Кама Аланы командасы уенны бик көчле үткәрде һәм питрәчлеләрне 62:24 исәбе белән җиңде. 
Җиңелүгә карамастан, бу безнең егетләр өчен зур уңыш.