Питрәч мини-футболы: өч тур үткәрәсе кала

Авыл яшьләре арасында мини-футбол буенча район чемпионатында өч тур үткәрәсе кала.

Беренче һәм призлы урыннар өчен көрәш кискенләште. «Ленино» командасы «Олимп»ны 2:0 исәбе белән җиңде һәм 58 очко җыеп, яңадан беренче урынга чыкты. Икенче урында «Ред Булл» тора, ул 5:1 исәбе белән «Виктория»не отты (команда күптән түгел чемпионатта лидер иде). Хәзер «Ред Булл»ның исәбендә 56 очко, «Виктория»нең 53 очкосы бар. Турнирда өченче урында 55 очко белән «Барса», ул «Аврора»ны 7:3 исәбе белән җиңде.

Бу турда ике зур җиңү теркәлгән, «Фортуна» «Спарта»ны 11:2 исәбе белән тар-мар итте, «Милан» «Трудовые резервы»н 9:1 исәбе белән җиңде. Соңгылары чемпионатта бер очко да җыймаган бердәнбер команда. «Арсенал» «Вендетта»ны 3:1, ә «Ак барс» «Аякс»ны 3:2 исәбе белән җиңде.

Иң яхшы снайперлар һәм бомбардирлар арасында лидер булып саналган «Барса» һөҗүмчесе Валерий Бирюков 99 балл җыйды, ул 72 туп кертте һәм 27 гол пасы бирде.