Питрәч районы спорт яңалыклары

Волейбол. Лидерлар җиңелми

Авыл яшьләре арасында район чемпионатының чираттагы 18 нче туры көтелмәгән нәтиҗәләр китермәде: алдынгы командалар яңадан җиңү яулады. Иң кызыклы уен «Дружба» һәм «Старое Шигалеево» командалары арасында узды. Тай-брейкта 3:2 исәбе белән питрәчлеләр җиңде.

«Богородское» командасы «Кобяково»ны 3:0 исәбе белән отты. Шәленең ике командасы да көндәшләрен 3:1 исәбе белән җиңде. «Легион» «Кулаево»ны, «Юниор» «Свага»ны (Питрәч) отты.

Бу уеннардан соң командалар түбәндәге урыннарны били: 1. «Богородское» – 35 очко, 2-3. «Дружба», «Легион» – 32шәр, 2. «Старое Шигалеево» – 28, 3. «Олимп» (Питрәч) – 24, 4. «Кобяково» – 23, 5. «Юниор» – 14, 6. «Кулаево» 9, 7. «Свага» – 1.

Мини-футбол

Район чемпионатының 14 нче турында ике уен аеруча нәтиҗәле үтте. «Арарат» 8:7 исәбе белән «Олимп»ны җиңде, «Ленино» «Ред Булл»ны 6:5 исәбе белән җиңде. «Ман Сити» «Фортуна»ны 3:1 исәбе белән җиңде һәм соңгы урыннан күтәрелде. «Алгоритм» «Синара»ны 5:3 исәбе белән җиңде. Шул рәвешле, дүрт уенда 38 туп кертелде.

«Ленино» 31 очко белән элеккечә чемпионатның лидеры. Икенче позициядә «Виктория» бара – 25 очко һәм запаста ике уен. «Трудовые-Легион» өченче урында (23 очко), дүртенчедә – «Арарат» (21). Алга таба таблицада: 1. «Алгоритм» – 16, 2. «Ред Булл» – 13, 3. «Олимп» – 12, 4. «Фортуна» – 8, 5. «Ман Сити» – 7, 6. «Синара» – 6.

Иң яхшы снайперлар һәм бомбардирлар көрәшендә үзгәрешләр юк. Алда Сергей Одинцов («Виктория») бара, ул 26 туп керткән, ә «гол + пас» системасы буенча 48 балл җыйган (26+22). Снайперлар арасында 18 туп белән Рамазан Кәримов («Трудовые-Легион») икенче урында, бомбардирлар арасында 34 балл (16+18) белән Роман Илюхин («Арарат»).