Питрәч районында пневматик мылтыктан ату буенча ярышлар узды

14 яшьтән 17 яшькә кадәрге кызлар арасында иң төз атучы дип ЛениноКокушкино мәктәбеннән Дарья Синичкина танылды, икенче урында – Колайдан София Шакирова, өченчедә – Иске Шигалидан Регина Заляева.

“14 яшьтән 17 яшькә кадәрге яшүсмерләр” категориясендә беренче урында – Ленино-Кокушкинодан Азат Галиәхмәтов, икенче урында – Богородскидан Артем Жунтов, өченче урында – Цареводагы лицейдан Максим Опарин.

18 яшьтән олырак кызлар арасында беренче урында КФУ студенты Лия Павлова, аннан соң Царево лицееның технология укытучысы Фирүзә Әмирова, өченче урында – КФУ студенты, “Форпост” үзәге активисты Сәимә Шаһиәхмәтова.

18 яшьтән олырак егетләр арасында Ленино-Кокушкино көллияте студенты Максим Полозков җиңде, икенче урында – Питрәч икенче мәктәбеннән Леонид Петрушин.

“Ир-атлар 45+” категориясендә “Форпост” мәктәп формированиеләре кураторлары пневматикадан ату күнекмәләрен тикшерделәр. Нәтиҗәдә, беренче урында – Богородск мәктәбеннән Павел Михеев, икенче урында – Колайдан Накиф Рәхмәтуллин, өченче урында – Цареводагы “Прогресс” лицееннан Артур Кашафетдинов.

Иң нәтиҗәле команда булып Ленино Кокушкино авылыннан Илдар Габдрахманов җитәкчелегендәге “Форпост” командасы танылды. Җиңү Кубогы иясе – Ленино-Кокушкинодан “Форпост” активисты Азат Галиәхмәтов.