Питрәч районыннан СВО ветераны өстәл теннисы буенча Кубокта катнашты

Өстәл теннисы СВО катнашучыларын һәм ветераннарын берләштерде. Кощак авылыннан Кирилл Дмитриев ТР Рәисе спорт кубогында катнашты. Ярышлар Сабада үтте һәм осталык сынавы гына түгел, ә тере аралашу мәйданчыгы да булды.

- Балачакта мин теннис уйный идем, биредә ярыш кына түгел, бердәмлекне тою мөмкинлеге дә булды, – дип уртаклашты Кирилл. - Азартлы уен, әмма иң мөһиме – аралашу, дустанә атмосферада тәҗрибә уртаклашу.

Аны чарага Татарстан Республикасында «Ватанны саклаучылар» фондының Питрәч филиалы социаль координаторы Физалия Никитина чакырды.

- Ул һәрчак барлык вакыйгалардан хәбәрдар, безгә чаралар турында оператив мәгълүмат бирә. Кире элемтә тәүлек буе бар, бу бик яхшы, - дип билгеләде СВО ветераны.

Киләсе атнада Кирилл яңа турнирга барырга планлаштыра – бу юлы Казанда узачак нардлар буенча.