Питрәч хоккейчылары кубок өчен көч сынаша башлыйлар

Беренче очрашуны алар Казанда КГАСУ командасы белән үткәрәчәк, ә иртәгә уен Питрәчтә узачак. Әгәр ике турдан соң тигезлек булса, командалар өченче, хәлиткеч уен уздырачак.

Даими чемпионатта питрәчлеләр алтынчы, көндәшләре бишенче урынны алдылар. Чемпионат кысаларында алар Питрәчтә ике тапкыр очраштылар, анда Казан командасы көчлерәк булып чыкты, алар бер үк 4:3 исәбенә ике җиңү яулады. 

Чемпионат нәтиҗәләре буенча иң яхшы бомбардир һәм снайпер булып безнең һөҗүмче Сабир Янов танылды (41 очко белән), ул көндәш капкасына 23 шайба кертте һәм 18 гол пасы бирде. 

Сакчылар арасында иң яхшы бомбардир булып та безнең уенчы Константин Игнатьев танылды (ул 26 очко җыйды (5+21).